Додека некои се убедени дека пешкирот треба да се пере по првата употреба, други сметаат дека тоа е непотребно бидејќи чисти излегувате од туш или када.
По туширањето, вашиот пешкир всушност не се валка. Можеби има некои бактерии на кожата кои се лепат на крпата, но тие се занемарливи. Единствено важно е да го закачите да се исуши веднаш по бришењето, бидејќи ако остане влажно со денови, ќе се појави непријатен мирис.
Општо правило е дека не треба да го користите вашиот пешкир повеќе од три пати. После тоа, би било добро да го смените, бидејќи секогаш кога ќе се навлажни, бактериите на него добиваат идеална можност да се шират и да се размножат. По некое време, пешкирот станува прилично валкан.
Исто така, делењето пешкири е друга тема на разговор. Иако многумина би се согласиле дека споделувањето пешкири со домашните е нехигиенска практика, всушност не треба да се грижите. Бидејќи живеете заедно, големи се шансите да ги делите истите бактерии на кожата. Сепак, пожелно е секој да има свој пешкир, особено ако некој има инфекција или кожна болест.