Македонската машка ракометна репрезентација сака да избори пласман на Светското првенство кое на почетокот на наредната година ќе се одржи во Хрватска, Данска и Норвешка, но за да се случи тоа мора да минеме една незгодна пречка на тој пат, а тоа се Фарски Острови.
Тоа е селекција која е во подем, селекција која игра модерен ракомет и за да ја елиминираме ќе мора да дадеме се од себе во двете соочувања.
Првото е закажано за утре од 20 часот во Торшавн. Нашиот национален тим веќе е во оваа земја, имаше можност и да тренира во салата „Холин а Халси“.