Агентот на Роберт Левандовски, Пини Захави изјави дека напаѓачот нема да ја напушти Барселона.
Вчера агентот, кој ги застапува интересите на 35-годишниот напаѓач, вечерал со претседателот на Барселона, Жоан Лапорта. Тие имаат долгогодишна пријателска врска.
Кога Захави го напушташе ресторанот, беше прашан дали Левандовски ќе ја напушти Барселона.
– Секако дека останува – одговори агентот.
Изненадувањето било забележливо на неговото лице по добивањето на прашањето.
Левандовски оваа сезона постигна девет гола и четири асистенции на 20 настапи за Барселона во сите натпреварувања. (МИА)