Пејачката Дара Бубамара во родниот Нови Сад го паркира автомобилот каде стигне и редовно на места кои не се наменети за тоа, а како што и самата кажа, нејзините соседи постојано викаат пајак служба, бидејќи не знаат како поинаку да се справат со овој проблем.
Таа изјавила за Пинк дека вози онака како што вози и дека веројатно некои жени кои ѝ се љубоморни намерно ѝ прават проблеми.
– Некој постојано вика пајак кога паркирам некаде, но што да правам? Не можам да се бркам со луѓето. Некогаш морам да направам нешто итно, па едвај чекам да најдам слободно место. Веќе зборував за тоа дека редовно ги плаќам сите казни за паркирање што ги добивам, така што нема проблем – рекла пејачката, а некои дури и ѝ ги дупнале гумите бидејќи е невнимателна кон соседите, кои претходно учтиво ја замолиле да не се паркира каде стигне.
– На Дара еднаш ѝ ги дупнаа гумите на автомобилот затоа што веќе не знаеја како да се справат со тоа. Таа вели дека нема да го повтори тоа, само мавта со раката и го прави истото секој следен пат. Сите знаат какви коли вози, не остава ни порака дека ќе се врати наскоро, а никому не му се допаѓа таквата ароганција, особено кога ќе заглави некого со својот автомобил, за да не може да излезе – велат соседите.
Инаку, Бубамара редовно се снима додека дивее по автопат, над 200 километри на час, за што добива и казни. Таа тврди дека тоа се должи на тоа што мора на време да пристигне на одредена дестинација на работа, не мислејќи дека со ваквото однесување може да се доведе себеси и другите во опасност.