Почина наградуваната јужноафриканска афро-поп пејачка Булелва Мкутукана, позната како Захара, објави министерот за култура на земјата. Таа имаше само 35 години.
Захара поминала некое време во болница поради компликации на црниот дроб, а владата во тие моменти била со семејството, истакна министеркот Зизи Кодва.
I am very saddened by the passing of @ZaharaSA. My deepest condolences to the Mkutukana family and the South African music industry. Government has been with the family for some time now. Zahara and her guitar made an incredible and lasting impact in South African music. pic.twitter.com/1a402aQfLs
— Minister of Sport, Arts & Culture (@zizikodwa) December 11, 2023
Пејачката се прослави во 2011 година со нејзиниот албум Loliwe, кој се здоби со популарност низ Африка.
Во 2019 година, Захара отворено зборуваше за нејзината борба со зависноста од алкохол.
Додека нејзиното семејство допрва треба да објави официјално соопштение, фановите тагуваат и споделуваат убави спомени за пејачката преку социјалните мрежи.
-Захара и нејзината гитара имаа неверојатно и трајно влијание врз јужноафриканската музика, објави Кодва на X.
Захара, која објави пет албуми, освои десетици домашни и меѓународни награди. Во 2020 година, таа беше вклучена во листата на 100 жени на Би-Би-Си.