На социјалните мрежи се појави ново застрашувачко видео од масакрот во Прага, на кое се гледа како брутален убиец со автоматска пушка шета по терасата на колеџот, вика, а потоа нишани по луѓето на улица, па пука во случајни минувачи.
Ужасното видео кружи на социјалните мрежи, а може да се види како полицајци со опрема се движат кон универзитетот, додека убиецот во рок од пет минути испука повеќе од 13 куршуми од покривот.
Czech Republic, Prague, 15 dead and 20 injured. Inconceivable. pic.twitter.com/QQnKrq4Ngw
— RadioGenoa (@RadioGenoa) December 21, 2023
Полицајците во паника неколку минути се обидуваа да го спречат налудничавиот убиец кој неколку минути се шеташе по терасата и случајно пукаше во луѓе.
Да потсетиме, по невиденото злосторство што се случи денеска во Прага, полицијата вечерва објави нови шокантни детали за убиецот Давид Козак (24) кој изврши крвав масакр на универзитетот во кој уби 17 лица, а пред тоа тој го убил својот татко. Имено, новите информации велат дека тој минатата недела убил и двомесечно девојче во количка, како и нејзиниот татко.
Да потсетиме, Мартин (32) и неговата двомесечна ќерка беа убиени во петокот во 15 часот во шумата „Клановице“ во Прага.
Според чешките медиуми, убиецот испукал четири куршуми во главата на Мартин, додека тој го застрелал бебето во стомакот . Во моментот на убиството таткото го туркал бебето во количка.
Повеќе од 200 чешки полицајци ја пребараа шумата во тоа време во потрага по повеќе индиции поврзани со бруталното злосторство.Тогаш сторителот не беше пронајден , а чешката полиција апелираше до јавноста за какви било информации кои би довеле до негово апсење.
Да потсетиме, убиецот од Прага, кој во масакрот на Филозофскиот факултет уби 17 луѓе и рани најмалку 24, пред крвавиот поход го убил својот татко дома.