Во Чиле е прогласена вонредна состојба поради шумските пожари кои ги зафатија областите во земјата кои вообичаено ги посетуваат туристи. Гори во одморалиштето Виња дел Мар во централниот дел на Чиле, на брегот на Пацификот, во регионот Валпараисо. Стотици згради се загрозени, а нивните станари се евакуирани.
Од вчера, пожарникарите се борат за да ги стават под контрола десетици пожари во регионите Валпараисо и О’Хигинс, во централниот дел на земјата, како и во регионите Мауле, Арауканија, Лос Лагос и Биобио, на југот на Чиле.
Според првичните информации, загинале 10 лица, изјави Софија Гонзалес Кортес, претставник на властите на регионот Валпараисо.
BREAKING: Chile declares state of emergency due to massive forest fires, more than 1000 houses destroyed, 10 fatalities reported. pic.twitter.com/rTxym7Nbea
— World Times (@WorldTimesWT) February 3, 2024
Претседателот на Чиле, Габриел Бориќ, најави дека ќе издаде наредба за употреба на сите потребни средства против пожарите.
Само во областа Валпараисо, пожарот проголта повеќе од 7.000 хектари шума.
Снимките направени од возачи кои патуваат по познатата рута 68 покажуваат планини зафатени од пламен долж сообраќајницата, која ја користат илјадници туристи за да стигнат до плажите на Чиле.
Во градовите Естрела и Навидад, на околу 200 километри југозападно од главниот град Сантијаго, пожарите уништија речиси 30 куќи.
A giant forest fire in Penkaue, Talca province, Chile
A yellow alert has been issued for the incident. More than 650 hectares were affected.
🌎The climate is changing all over the globe how are you going to survive? #Earthquake #FRAvIRE pic.twitter.com/Uy6nMC4PHi— Светлана (@Svetlan31623421) February 3, 2024
Од средата температурите во централниот дел на Чиле и во главниот град Сантијаго достигнаа 40 степени, што ја отежнува борбата со пожарите.
Поради слабата видливост предизвикана од димот, властите наредија запирање на сообраќајот на рутата 68, која го поврзува Сантијаго со Валпараисо, а исто така води и до винскиот регион Казабланка и одморалиштето Виња дел Мар.
Горештините во Чиле се резултат на климатскиот феномен Ел Нињо, кој ги зафаќа јужните делови на Латинска Америка во летниот период, предизвикувајќи пожари дополнително засилени со глобалното затоплување. Топлотен бран веќе ја погоди и Колумбија, а во наредните денови се очекува да ги зафати и Аргентина, Парагвај и Бразил.