Стотици илјади луѓе во повеќе сојузни држави во САД останаа без струја, а во некои делови од земјата е воведена вонредна состојба поради силните бури кои се во опасност да се претворат во торнадо, пренесува Си-Би-Ес Њуз.
Во текот на ноќта силно невреме го погоди градот Џеферсонвил, во сојузната држава Џорџија, како и државата Индијана, а бројот на повредени на оделни места не надминува десет.
Има сомнежи дека во местото Тула, во сојзуната држава Оклахома, еден смртен случај е поврзан со невремето.
Во четири окрузи во централна Флорида, каде живеат околу 6,5 милиони лица, важи предупредување за опасност од торнадо, со ветрови од 110 километри на час.
Синоптичарите предупредуваат дека силните бури „способни да произведат неколку торнада“ денеска би можеле да ги погодат источна Вирџинија и Северна Каролина.
Во вторникот, 16 торнада беа пријавени на државните метеоролошки агенции во Кентаки, Илиноис, Тенеси, Охајо, Алабама и Џорџија.
Во Тенеси, околу 40.000 домови и деловни објекти останаа без струја откако гром удри во трафостаница. (МИА)