Министерскиот состанок на ОБСЕ кој ќе се одржи во Скопје го промени работното време на вработени во државната и јавната администрација во главниот град.
Владата на денешната седница, на предлог на Министерството за надворешни работи, донесе одлука со која работното време на сите вработени во државната и јавната администрација на територијата на градот Скопје – на 29-ти ноември 2023 година (среда), треба да заврши во 12:00 часот.
-А, 30-ти ноември 2023 година (четврток) се определува за неработен ден за сите вработени во државната и јавната администрација, на подрачјето на град Скопје. Овие заклучоци се однесуваат и на основните и средните училишта на подрачјето на град Скопје, а не се однесуваат на детските градинки и здравствените установи на подрачјето на град Скопје – коишто е потребно да изработат сопствени планови за работењето, со цел непречено функционирање, информираат од Владата.
Од Владата препорачуваат општините во градот Скопје и на Град Скопје да ги спроведат заклучоците.
-Оваа препорака се однесува и на приватниот сектор на подрачјето на градот Скопје, посебно од подрачјето на Општината Карпош и на општините кои гравитираат кон Спортскиот центар „Борис Трајковски“ и хотелот „Александар Палас“, информираат од Владата.