Тренерот на Манчестер сити, Пеп Гвардиола ги искажа своите впечатоци по нерешениот резултат на натпреварот против Ливерпул (1:1) во 28. коло од Премиер лигата.
-Почнавме навистина добро, но Ливерпул е неверојатен тим. Ние имавме свои моменти, тие свои. Не е лесно да се игра против нив. Во првото полувреме имавме иницијатива, многу шанси. Откако им го подаривме пеналот, настрадавме. Тоа беше добар натпревар за гледачите, изјави Гвардиола за „Би-би-си“.
Манчестер сити е трет во Премиер лигата со 63 бода, со еден бод помалку од Арсенал и Ливерпул. (МИА)