Српскиот боксер Вељко Ражнатовиќ не обезбеди национална пензија поради бронзениот медал на Европското првенство.
Дисциплината во која српскиот боксер го освои бронзениот медал не е олимписка, па Вељко не може да смета на пензија. Ражнатовиќ оствари две победи на ЕП (со еден пораз) и тоа му беше доволно да постигне голем успех – бронзен медал.
Потсетуваме, Ражнатовиќ се откажа од бронзената награда во износ од 5.000 долари.
-Тие 5.000 одат кај дете на кое му треба повеќе од мене. Да живее Србија – напиша Ражнатовиќ на Инстаграм.
На поразените во финалето им се доделува награда од 10.000 долари, додека освојувачот на златниот медал добива премија од – 15.000 долари.