Познатиот актер Метју Пери неколку недели пред да почине живеел со својот асистент, кој по потекло е од Јапонија, во изнајмена куќа во Беверли Хилс.
Пријателите на холивудската ѕвезда се сомневаат дека токму овој човек Кени Ивамаса (59) го нашол мртов во џакузи на 28-ми октомври на имот во Лос Анџелес. Метју Пери изнајмувал куќа на рид со поглед на Беверли Хилс и океанот, плаќајќи месечна кирија од 49.000 долари, повеќе од една година додека неговиот дом во Пацифик Палисадес бил реновиран (таа палата чини шест милиони долари).
На истата адреса живеел неговиот асистент и пријател кој, според неговата страница на LinkedIn, се грижел за работите на актерот цели 25 години. Сопственикот на куќата во која живеел Метју Пери, неколку недели пред неговата смрт, изјавил дека Кени Ивамаса „живеел со актерот и го следел постојано.
Асистентот е виден како службено го вози актерот низ Лос Анџелес и го напушта својот дом во Беверли Хилс наутро. Неполн месец пред трагедијата, актерот се вратил во реновираната вила.
Метју Пери имаше и асистентка, Бријана Бранкато, која работеше кај него седум години и која се огласи по неговата смрт. Пред неколку месеци се свртела кон професијата личен тренер .Огласот за изнајмување на имотот во Беверли Хилс бил симнат во јуни 2022 година, веројатно кога Метју Пери почнал да живее таму. Од октомври минатата година редовно го гледаат на таа адреса. Куќата сега е празна, а минатата недела пред имотот имало корпи за отпадоци полни со предмети додека куќата се подготвува за друг станар.
Сопственикот на куќата не се сретнал со Пери, но рекол дека е добар станар. Поранешните соседи на актерот изјавиле дека не знаеле дека тој живее таму, иако во близина ги виделе неговата куќна помошничка и помошникот.
Според LinkedIn, Ивамас бил ангажиран како помошник на Метју Пери од менаџерот на актерот, Даг Чапин.
– Се снаоѓам во хаотични ситуации кои бараат ред. Јас сум дискретен, лојален и ја почитувам апсолутната доверливост. Сакам рокови, договори, ставање крај на обврските и решавање критични ситуации и проекти, стои во описот на неговиот профил.
Метју Пери беше забележан како купува во Лос Анџелес пред два месеци со својата асистентка.
Во тек се токсиколошки анализи за откривање на причините за смртта.