Џоле Џоганим освен по големите хитови, на медиумите им е познат и по својата интересна емотивна приказна.
Во првиот брак беше со пејачката Слаѓана Делибашиќ со која има две ќерки.
Кога ја заврши љубовната врска со Слаѓа, со која остана во одлични односи, се појави Весна, атрактивна русокоса со која и денес е во брак.
Сепак, малкумина знаат дека неговото срце прво го освоила друга жена.
Џоле проговори за забранетата љубов од младоста, која го инспирирала да ја напише песната „Забранета љубов“.
По четириесет години повторно ја сретнал и иако не сакал да го открие нејзиниот идентитет, со навестување на тага во гласот ја раскажал приказната за девојката на која родителите и забраниле да се омажи за него.
-Имав забранета љубов од детството, но нејзините родители не сакаа да ни дозволат да ја имаме нашата љубов. Толку ја бранеа што на крај ја омажија против нејзина волја за друг. Ја сретнав повторно на 8 март, по четириесет години.
-Не ни знаев која е, ме праша дали може да се фотографира со мене. Јас препознава само по нејзините очи, но имаше илјада или повеќе луѓе таму. Некако чудно и срамежливо застана, како да сакаше да ми каже, а јас брзав и сакав да продолжам понатаму. Таа објави заедничка фотографија на Фејсбук , рече Џоле.
Откри дека песната има автобиографска приказна, за која знае и неговата сегашна сопруга.
-Спотот го снимавме во Сараево и мал сегмент во Белград. Сè се снимаше околу шест дена и е филмска приказна. Инаку, Весна прекрасно и емотивно ја испеа оваа песна, нејзиниот сензибилитет и солзите во спотот се реални. Нема лаги и измами, плачеше на снимање и не можевме да ја смириме, ја откри емотивната природа на сопругата која со години му е поддршка.