Викторија Бекам повторно го „полуде“ светот откако сподели видео од нејзиниот сопруг како вежба.
Поранешната членка на „Спајс грлс“ им покажа на нејзините следбеници на Инстаграм како изгледа вежбачката рутина на Дејвид Бекам.
„Утрински тренинг со оваа ‘љубовна машина’“, напиша таа на објавата.
Но, оваа глетка ги доведе следбениците во транс, особено кога таа ја насочи камерата на телефонот директно кон задникот на нејзиниот сопруг.
Многумина ѝ се заблагодарија за ова видео.
„О, Вики. Сите геј луѓе те обожаваат“, „Викторија, ти направи толку многу за нас…“, „Таа знае што прави“, „Во име на жените – ти благодарам“, „Ова е едно хумано дело“, „Чувствувам вина што го гледам ова“… се дел од коментарите на Инстаграм.
Инаку, Викторија често објавува провокативни фотографии и видеа од нејзиниот сопруг, со кого е во брак цели 24 години. Минатата недела, таа објави фотографија на која згодниот фудбалер поправа телевизор во долна облека.