Украинскиот министер за земјоделство Микола Солски понуди оставка бидејќи се соочува со обвинувања за вмешаност во нелегално стекнување на државно земјиште во вредност од седум милиони долари.
Солски (44) беше во центарот на напорите на Украина да ја одржи својата индустрија за жито, бидејќи руската инвазија ги блокираше извозните патишта на Црното Море, ги затрупа полињата со мини и запленети обработливо земјиште.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година.
Се очекува денеска судот да одлучи дали ќе го приведе.
Обвинителите на сослушувањето вчера рекоа дека обвиненијата против него предвидуваат казна затвор до 12 години.
Националната канцеларија за борба против корупција соопшти дека обвиненијата се однесуваат на стекнување државно земјиште во вредност од 7,35 милиони долари и обид за стекнување на земјиште во вредност од 4,79 милиони долари.
Според наводната шема, земјиштето било незаконски одземено од две државни фирми и пренесено на воените ветерани под услов да го изнајмат на некои приватни компании, рекоа обвинителите.
Министерот и неговиот адвокат на вчерашното рочиште рекоа дека Солски немал корист од таквата шема.