Две лица загинаа за време на викендот во невремето во Бугарија кое предизвика штети, паднати голем број дрвја и прекин на електричната енергија на брегот на Црното Море.
Во саботата вечерта, 43-годишна жена починала откако била згмечена од дрво во источниот град Варна, соопшти бугарската полиција. Повредени се и двајца спасувачи кога врз нив паднале скршени гранки.
Шеесет и петгодишен возач загина во Софија кога дрво паднало врз автомобилот во кој се наоѓал. Неговата сопруга е хоспитализирана во тешка состојба.
Иако денес временската ситуација во главниот град се смирува, источна Бугарија се уште е изложена на силен ветер кој дува со брзина поголема од 100 километри на час и немирно море со бранови над пет метри.
Крајбрежниот град Варна прогласи вонредна состојба, како и осум други градови во регионот, а жителите беа замолени да останат дома.
Община Варна обяви #бедствено положение във връзка с ураганния вятър в града и региона.
Общината призовава хората да останат по домовете си.
Оранжев код за #опасно силен #вятър е обявен за Източна България днес.Снимки: Красимир Кръстев/БТА pic.twitter.com/Wh2Gng17tp
— Българска телеграфна агенция (@BTAnewsBG) November 19, 2023
Снежен хаос владее и на североистокот од земјата, каде полицијата добила десетици повици од возачи во неволја. Авионскиот и железничкиот сообраќај беа прекинати.
Истото невреме ја погоди и соседна Романија. Таму црноморските пристаништа се затворени за пловидба.
Метеоролошката служба издаде највисоко црвено предупредување за провинциите Констанца и Тулчеа.
Без струја останаа десетици илјади домови, а пожарникарите отстранија 140 дрвја кои паднале на патот. Оштетени се и четириесетина возила.