Како во најмрачните години на комунизмот, власта осуди пратеник за искажан став, состојбата е полоша со секој поминат ден, велат од ВМРО-ДПМНЕ.
-Судството под контрола на власта го осуди пратеникот Бране Петрушевски за искажан збор од собраниска говорница.
Власта ја множи со нула слободата на говор, Уставот и човековите права.
Пресудата за Петрушевски доаѓа во време кога Извештајот на ЕК за Македонија констатира криминал и корупција во системот. А токму оваа пресуда е доказ за трулоста на истиот.
Слободата на говор е неприкосновена, судење за искажан став, како вербален деликт е одлика на едно време кое модерна Европа одамна го има напуштено.
Власта која се декларира како европска, во сржта е комунистичка, криминална и корумпирана и го влече системот надолу, додаваат од партијата.