На денот кога во јавност излегува случајот со новороденото бебе од Прилеп, директорката на прилепската болница, Кети Смилеска на социјалните мрежи организира партиска трибина што говори за грижата за аномалиите во болницата.
Комисијата за здравство на ВМРО-ДПМНЕ во неколку наврати алармираше за состојбата на болницата, надлежните молчат.
Од Комисијата прашуваат:
-Дали е точно дека новороденчето што почина пристигнало во Скопје без транспортен инкубатор?
-Како се организирани дежурствата во болницата?
-Дали е точно дека еден педијатар дежура на две одделенија?
-Дали е точно дека дежураат општи доктори и специјализанти на ортопедија и хурургија?
-Дали е точно дека со дозвола на директорката педијатри дежураат во Битола и имаат и по 15 и повеќе дежурства месечно?
Од таму велат дека од новите распишани супспецијализации нема нитуедна за неонатологија или перинатологија
-Повторно прашуваме зошто нема корективни мерки од стручните надзори во болницата во Прилеп и Битола. Кои мерки ги презема Министерството за здравство и Комитетот за безбедно мајчинство и зошто воопшто не реагираат за аномалиите во овој сегмент. Зошто ништо не се презема за лошата инфраструктура и условите за третман на пациентите, велат од Комисијата за здравство на ВМРО-ДПМНЕ.