Лидерот на ДУИ, Али Ахмети вечерва од митингот на плоштадот „Македонија“, му се закани на лидерот на ВМРО-ДПМНЕ, Христијан Мицкоски.
Тој му порача да пази што зборува бидејќи уште е млад.
„Јас патував малку подолго и одвај чекав да дојдам тука кај вас за да му кажам неколку зборови на Христијан Мицкоски. Христијан Мицкоски е пораснат со гурабии, Христијан Мицкоски е пораснат со кекси (бисквити). Јас сум пораснат во кула од камен што три пати е изгорен од поробувачите. Христијан, народот мој вели дека камен по камен се гради тврдината, збор по збор започнува бељата, не започнувај беља (проблем). Не започнувај беља и бирај ги зборовите, уште си млад и устата млеко ти вади“, порача Ахмети.