Лука Дончиќ имаше уште едно спектакуларно издание во НБА лигата и тоа во пресметката со Феникс Санс на која „испука“ 50 поени со 15 асистенции, 6 скока, 4 украдени топки и 3 блокади.
Словенецот издоминира на божиќниот меч во Аризона каде на домаќините не и помогна ниту публиката која постојано го исвиркуваше, провоцираше Лука кој пак одговори соодветно и само потврди дека едноставно обожава да игра во таква атмосфера.
– Забавно ми е да играм на вакви гостувања, кога публиката така се однесува. Потоа постигнувам поени и одеднаш има молк во салата. Па, тоа е најдоброто чувство на светот, -истакна асот на Далас Маверикс по блескавото издание со кое се запиша во историјата на ова натпреварување.