Најголемото изненадување на Греми наградите во неделата беше појавувањето на музичката дива Селин Дион , која се повлече од јавноста пред неколку години поради синдромот на вкочанета личност.
Селин беше многу емотивна додека се приближуваше на сцената со поддршка од нејзиниот најстар син Рене-Шарл Анџелил (23). На доделувањето на Греми, таа доби овации додека се подготвуваше да ја додели наградата за албум на годината.
„Ви благодарам на сите! Ве сакам. Кога велам дека сум среќна што сум тука, навистина го мислам тоа од се срце. Оние кои се доволно благословени да бидат тука на Греми наградите никогаш не смеат да ја земаат здраво за готово неизмерната љубов и радост што музиката ја носи во нашите животи и во животите на луѓето ширум светот“, рече таа.
„Сега со голема радост ќе ја врачам наградата Греми, која ми ја доделија две легенди – Дијана Рос и Стинг пред 27 години. Ова се извонредни кандидати за албум на годината“, продолжи таа.
Таа потоа објави дека реномираниот албум на Тејлор Свифт, Midnights, ја добил наградата, со што младата кантавторка ја освоил наградата по четврти пат.
Борбата на Селин Дион да ја продолжи кариерата ќе биде прикажана во новиот документарен филм „Јас сум: Селин Дион“.
Креаторката на хитови објави во декември 2022 година дека и е дијагностициран синдром на вкочанета личност – исклучително ретко пореметување кое предизвикува мускулите на трупот и екстремитетите наизменично да спазат и замрзнуваат. Таа откри дека повеќе нема да одржува концерти.
„Овие неколку години беа огромен предизвик за мене, патувањето од откривање на мојата состојба до учење како да живеам со неа и да управувам со неа, а не да дозволам тоа да ме дефинира. Колку ми недостигаше да ги видам моите обожаватели“, рече таа.
Последен пат беше видена во јавноста во ноември на хокеј натпревар каде отиде со синовите Рене-Чарлс и Нелсон и Еди, кои имаат 13 години. Пред тоа таа не беше во јавност три години.