Според базата на податоци на МВР, на која се повикуваат агенциите, Сузана Џамаладинова се бара поради прекршување на кривичниот закон.
Независната веб-страница Медиазона, која ги следи прашањата за опозицијата и човековите права, објави дека Џамаладинова била обвинета според законот – донесен минатата година – со кој се забранува ширење на таканаречените лажни информации за руската војска и борбите во Украина.
View this post on Instagram
Џамаладинова, која настапува под името Џамала, има кримско-татарско потекло.
Таа победи на Евровизија со песната „1944“, наслов кој алудира на годината кога Советскиот Сојуз масовно ги депортира Кримските Татари.
Таа победи речиси точно две години откако Русија го анектираше Крим, во време на политичка нестабилност во Украина.
Повеќето земји сметаат дека анексијата е нелегална.
View this post on Instagram
Русија протестираше поради тоа што на Џамала ѝ беше дозволено да ја изведе песната, велејќи дека таа ги прекршува правилата на Евровизија против политичкиот говор.
Сепак, песната не ја критикува конкретно Русија или Советскиот Сојуз, иако има импликации за тоа, со оглед на тоа што започнува со текстот: „Кога доаѓаат странци, доаѓаат кај вас дома, ве убиваат сите и велат „не сме ние виновни”.