Азербејџан го обвини Иран за извршување напади со беспилотни летала на негова територија, во кои беа повредени две лица.
Утрово падна дрон врз терминалната зграда на меѓународниот аеродром во Нахчиван, азербејџанска енклава што граничи со северен Иран, објави Министерството за надворешни работи на Азербејџан.
Аеродромот се наоѓа на околу 10 километри од иранската граница, пренесува Скај њуз.
🚨 War spreads to the Caucasus: Iranian drones struck Nakhchivan International Airport, the main air gateway of Azerbaijan’s isolated Nakhchivan Autonomous Republic bordering Iran & Turkey
Civilians were injured and fires erupted near the terminal#IranWar #Iran #Azerbaijan pic.twitter.com/986xqanOCr
— GlobeUpdate (@Globupdate) March 5, 2026
Друг дрон падна во близина на училиште во блиско село, се вели во соопштението.
-Овој напад на територијата на Азербејџан е спротивен на нормите и принципите на меѓународното право и придонесува за зголемување на тензиите во регионот, објави министерството.
„Бараме Исламската Република Иран што е можно поскоро да го разјасни овој случај, да даде објаснување и да преземе итни мерки за да се спречи повторување на вакви инциденти во иднина“, се вели во него.
✈️💥#Iran’s warning strike against #Azerbaijan!
Iran reportedly targeted positions at the Nakhchivan Airport with a suicide drone. It appears that unusual activities linked to #Israel have been observed in Azerbaijan, which may have prompted Iran to carry out this strike! pic.twitter.com/A2mIrccZal
— IWN (@A7_Mirza) March 5, 2026
Ова е првпат Азербејџан да пријави таков инцидент откако конфликтот избувна минатиот викенд.
Одредени ирански напади одат и надвор од непосредната област на Блискиот Исток – Турција вчера објави дека била принудена да собори ирански балистички ракети што влегле во нејзиниот воздушен простор, а Техеран денес негираше дека учествувал во тој напад.