Обвинителството во Франција започна истрага за убиство откако пет тела беа пронајдени во град североисточно од Париз.
Според извештаите на локалните медиуми, жртвите се жена и нејзините четири мали деца.
Нивните тела беа пронајдени во градот Мо, кој е нешто повеќе од 40 километри од француската престолнина.
-Тие беа пронајдени во стан, изјави локалниот обвинител за француската новинска агенција АФП.
Според новинската веб-страница Акту17, која прва го пријавила случајот, полицијата трага по 33-годишниот татко, кој е „во бегство“.
Обвинителот Жан Батист Бладиер за француските медиуми потврди дека судската полициска служба во Версај започна истрага.