Мајката на починатиот руски опозициски лидер Алексеј Навални, Људмила Навалнаја, денеска соопшти дека го видела телото на нејзиниот син и остро се спротивставува на притисокот од руските власти да го погреба тајно.
Људмила во видео порака рекла дека инспекторите и дозволиле да го види телото на починатиот син, кое се наоѓа во градската мртовечница.
Таа го повтори своето барање неговото тело да и биде предадено и протестираше поради, како што рече, притисокот од властите кои се обидуваат да ја принудат да се согласи на таен погреб.
– Ме уценуваат, поставуваат услови каде, кога и како да го погребам син ми. Тие сакаат тоа да го направам без јавна церемонија, додаде Навалнаја.