Пакистанската национална авиокомпанија предизвика негативни критики откако објави фотографија на која авион лета кон Ајфеловата кула.
Рекламата имаше за цел да го промовира продолжувањето на летовите на Пакистанската интернационална авиокомпанија (ПИА) до француската престолнина и имаше натпис „Париз, пристигнуваме денес“, пишува Би-би-си.
Некои корисници на социјалните мрежи забележаа дека рекламата ги потсетува на терористичките напади во САД на 11 септември 2001 година. Фотографијата е видена повеќе од 21 милион пати на мрежата X откако беше објавена минатата недела и предизвика многу реакции.
— PIA (@Official_PIA) January 10, 2025
Пакистанскиот премиер Шехбаз Шариф нареди истрага за ова прашање, додека вицепремиерот Исхак Дар исто така ја критикуваше рекламата, објавија пакистанските медиуми.