Градскиот комитет на УМС на ВМРО-ДПМНЕ во следниот период ќе организира повеќедневна хуманитарна акција со која имаат за цел да помогнат дел од граѓаните да ги поминат празниците во радост, ова во видео обраќање го најави претседателот на ГК на УМС на ВМРО-ДПМНЕ, Борис Шамбевски.
Штандови ќе бидат поставени пред поголемите маркети во Скопје, а Шамбевски ги повика сите граѓани кои ќе пазаруваат да одвојат дел од буџетот и да купат производи со што ќе помогнат во оваа хуманитарна акција.