Министерот за внатрешни работи Панче Тошковски во рамките на денешните активности се сретна со министерот за информатичко општество и администрација Азир Алиу и дополнителниот заменик министер за информатичко општество и администрација Стефан Андоновски.
На средбата се разговараше за дел од активностите кои вклучуваат соработка на двете министерства.
Во таа насока одлучено е заеднички да се вложат напори за подобрување на системот за закажување за лични документи, со цел да им се излезе на граѓаните во пресрет и да се забрза овој процес.
Исто така, во наредниот период ќе се разгледа можноста за реализирање на пилот проект кој ќе се спроведе во координација на двете министерства.