Градоначалникот на Град Скопје, Орце Ѓорѓиевски објави видео снимка од состојбата на булеварите и улиците во главниот град по врнежите од снег.
-Скопје, чисто и проодно! Со навремена и организирана реакција, градските служби од раните утрински часови интервенираа ефикасно на сите клучни булевари и улици под надлежност на Град Скопје. Со употреба на повеќе од 300 тони сол, обезбедивме безбедно и непречено одвивање на сообраќајот, вели Ѓорѓиевски.
Посочува дека грижата за безбедноста на граѓаните и функционалноста на градот останува нивен приоритет, Скопје мора да функционира, без разлика на временските услови.