Млад маж од Монголија патувал една година со својот велосипед за да го исполни својот сон.
Очирвани Батболд одлучил на направи нешто за себе и тргнал на патување низ 20 земји со една единствена цел, да пристигне на „Олд Трафорд“.
Во писмото кое го испратил до Манчестер Јунајтед наведува дека неговиот омилен играч му е Вејн Рени, кој воедно е и негова инспирација. Батболд објаснил и дека токму поради Руни и самиот сакал да биде фудбалер и почнал да тренира. Имал сон еден ден да игра за „Црвените ѓаволи“. Но, сонот завршил откако бил измамен од наводен фудбалски агент кој му земал огромен износ на пари.
![](https://kurir.mk/wp-content/uploads/2024/05/441073433_360298590393247_1481016199711534393_n-690x920.jpg)
Очирвани се разочарал бидејќи бил изигран, но во исто време и без пари. Тогаш одлучил да си го исполни сонот и да си докаже самиот на себе дека може се да направи во животот. Така започнало неговото патување со велосипед, без помош и поддршка од тим, поминувајќи 14.000 километри и 20 држави.
На патот до „Театарот на соништата“, според објавите на социјалните мрежи, околу божиќните празници Батболд бил во Македонија, а објавил и дека го пробал македонското тавче гравче.
![](https://kurir.mk/wp-content/uploads/2024/05/418140378_276528325436941_6913724542591575096_n-690x920.jpg)
![](https://kurir.mk/wp-content/uploads/2024/05/wazza-mk-690x486.jpg)
![](https://kurir.mk/wp-content/uploads/2024/05/Screenshot_5-6-690x300.jpg)
По пристигнувањето во Манчестер, тој го посетил стадионот на Јунајтед во придружба со официјално лице од клубот кој го прочитал писмото и одлучил да му ја исполни желбата на Батболд.
Покрај прошетката низ „Театарот на соништата“, на Батболд му се остварил и сонот за средба со својот идол Вејн Руни. Младото момче добило и билети за натпревар, а седел од близина на Сер Алекс Фергусон и голем број легенди на клубот од „Олд Трафорд“.
-Не е само фудбалски стадион, инспирација е. Исто така е и љубов, среќа, некогаш и тага. Тоа е мојот дом, вели Батболд.
Неговото патување, пристигнувањето пред „Олд Трафорд“ проследено со голем број емоции, погледнете го во видеото во продолжение.