Англискиот гигант Манчестер јунајтед може да се соочи со сериозен проблем поради договорот Сер Џим Ратклиф да купи 25 отсто од акциите на премиерлигашот.
Медиумите пишуваат дека „црвените ѓаволи“ би можеле да бидат суспендирани од настап во Лигата на шампиони (ЛШ) вос езоната 2024/25.
Европската куќа на фудбалот (УЕФА) има строги правила за настап во Европа на два тима со исти сопственици.
Ратклиф е газда и на Ница, па доколку двете екипи обезбедат место во ЛШ, тогаш едниот ќе биде суспендиран од учество во елитното натпреварување.
Според правилата, клубот кој ќе има подобар пласман на табелата, ќе добие шанса за настап во ЛШ.