Уште од изборот за песната што ќе ја претставува Хрватска на Евровизија и победата на Бејби Лазања, обложувалниците им предвидуваат успех, а се чини како што се наближува натпреварувањето, нивните шанси се зголемуваат.
Имено, на страницата Евровизија Свет, на табелата која го предвидува победникот на Евровизија, на прво место е Хрватска, која ја зголеми предноста пред Украина која е втора.
Минатата недела, откако сите земји учеснички објавија кој ќе ги претставува, за Хрватска обложувалниците предвидуваа 15 отсто шанси за победа, а оваа недела Бејби Лазања има 4 отсто поголеми шанси.
Првите четири места на табелата останаа непроменети во однос на минатонеделната верзија, а втори се украинските претставници Алиона Аљона и Џери Хеил со 12 отсто шанси, што е за еден отсто помалку од претходно.
Следат Италија и Анџелина Манго со песната „La Noia“, чии шанси паднале за 3 отсто, а по нив на листата е Швајцарија со 9 отсто.
Марко Пуришиќ или Бејби Лазања добија 247 поени од публиката и вкупно 74 поени од жирито во финалето на Дора, односно на хрватскиот фествал за избор на песна за Евровизија.
Веднаш по објавувањето, неговата песна стана хит меѓу гледачите, а последниве денови ја споделуваат и евровизиските фанови кои често го споредуваат со минатогодишниот претставник на Финска.
Изборот за најдобра песна на 68. Евросонг ќе се одржи во Шведска во арената Малме на 7, 9 и 11 мај, откако нивната претставничка Лорин победи на минатогодишниот избор за песна на Евровизија.