Сообраќајот на еден од најпрометните јапонски аеродроми неодамна беше запрен кога еден пар ножици исчезна од продавница во чекалната за домашни летови, јавува Си-Ен-Ен.
Загриженоста за исчезнатите ножици доведе до повеќечасовна безбедносна потрага на аеродромот Китосе, кој ја опслужува областа Сапоро на островот Хокаидо.
Според аеродромот, 36 летови биле откажани на 17 август, а уште 201 биле одложени при претресот.
Имаше загриженост дека потенцијален терорист би можел да ги земе ножиците и да ги употреби како оружје во авионот. На крајот, соопштија од аеродромот, пронајдени се ножиците и летовите може да продолжат.
Missing scissors causes flight delays and cancellations at Japan airport
The security checkpoints at New Chitose Airport in Japan’s northern island of Hokkaido were closed for two hours after the lost scissors were reported. pic.twitter.com/2SQReQLVPD
— MP (@Mp220Mp) August 21, 2024
-Свесни сме дека инцидентот настанал поради непостоечкиот систем со кој се користи овој вид на производ и се чува во продавницата“, велат надлежните од управата на аеродромот.
„Ќе го истражиме овој инцидент, ќе ја утврдиме неговата причина и ќе спречиме да се повтори. Исто така, ќе повториме дека ваквите инциденти може да укажуваат на можност за терористички напад и киднапирање на авион и ќе се обидеме да го направиме персоналот на аеродромот целосно свесен за важноста од ракување со такви алатки“.
Меѓу патниците погодени од безбедносните проблеми беше и јапонскиот рок бенд 9mm Parabellum Bullet, кој пропушти настап на годишниот музички фестивал во Хокаидо поради откажување на летот.
Многумина го пофалија аеродромот дека сериозно ја сфатил можната кражба на ножиците.
„Како патник, благодарен сум што презедоа такви темелни мерки за да се осигура безбедноста на патниците“, објави еден корисник на мрежата X.