-Украинските војници се обиделе да влезат во рускиот регион Белгород, но руските војници го одбиле нападот, соопшти Министерството за одбрана во Москва.
Кремљ соопшти дека до 195 војници биле убиени, а уништени биле пет тенкови и четири оклопни возила.
Во меѓувреме, независните руски медиуми укажаа на најавите на паравоените групи Руски волонтерски корпус и Руската легија на слободата, кои најавија напади врз регионите Белгород, Курск и Брјанск на социјалните мрежи утринава.
Претходно оваа недела тие направија уште еден пробив, но беа брзо одбиени, според официјалните руски извештаи.
Набргу по најновите извештаи на вооружените групи, жителите на Белгород пријавија експлозии денеска наутро. Министерството за одбрана и гувернерот на Белгород, Вјачеслав Гладков, се осврнаа на нападите со беспилотни летала и ракети и рекоа дека тие биле одбиени.
Исто така, се споменуваше дека една жена е убиена, а неколку луѓе се повредени, наведува ДПА.