Сојузниците на Киев треба да продолжат да ја снабдуваат Украина со муниција и во 2025 година, се наведува во заедничката изјава на премиерите на Чешка, Данска и Холандија.
Тие на Самитот на Европска Унија во Брисел ветија дека ќе продолжат да ја снабдуваат Украина со муниција.
Чешка годинава ја предводеше иницијативата за купување на муниција за Украина финансирана од земјите-членки на НАТО.
– Иницијативата за муниција треба да продолжи и во 2025 година. Нашите земји веќе ги финализираат понатамошните конкретни проекти за набавка на проектили од 155 милиметри според иницијативата, како и други калибри на билатерална основа … Само раната сигнализација и дистрибуција ќе обезбеди стабилен и предвидлив проток на муниција што ќе продолжи во првите месеци на 2025 година за да се обезбеди Украина да биде добро снабдена, се посочува во заедничката изјава.