Наставничка по биологија во ОУ „Јован Дучиќ“ во Нов Белград била нападната и тешко повредена од мајка на ученик во ова училиште.
Нападот се случил попладнево, а наставничката со возило на Брза помош била пренесена во болница.
-Мајката дојде и ја праша наставничката по биологија зошто нејзиниот син добил 2-ка, а тој има просек за 3-ка. Притоа не знаела дека и оценката од првото полугодие се собира, вели наставничка во ОУ „Јован Дучиќ“ која ја придружувала повредената колешка до болница.
Таа вели дека наставничката по биологија ја повикала мајката во кабинетот за да ги реши несогласувањата.
Но, наместо решение, се случило страшно насилство.
-Таа кажала грозни работи, „Кучко, не знаеш кој сум јас, ќе ти еб** мајка“, вели учителката.
Потоа се заканила дека ќе оди кај директорот, што наставничката по биологија го поддржала. Меѓутоа, таа одеднаш се вратила. Таа вели дека ја тегнела за косата до вратата, ја фрлила на под и ја удрила со главата во подот.
„Ќе ти го убијам семејството“
– Нема да работиш никаде на друго место, нема да работиш во ова училиште, ќе се сеќаваш на мене, не знаеш која сум. Ќе ти го убијам семејството, викала насилната мајка.
Бидејќи било одмор никој не ги слушнал повиците на нападнатата учителка за помош, па бесната мајка продолжила да вреска и да вели: „Никој не те слуша, ќе те убијам“.
Дури тогаш наставничката успеала да се спаси, дотрчала кај полицаецот, но тој не бил таму.
Вработените потоа повикале полиција, која дошла и земала изјава.
-Мајката која ја нападна учителката призна во полиција дека завршила курс за боречки вештини, вели соговорникот.