Премиерот Христијан Мицкоски соопшти дека и’ се јавил на Радмила Шекеринска и и’ го честитал именувањето за заменик генерален-секретар на НАТО. Честитката е силен удар и народски кажан „тонч“ за опозициските, проСДСМ медиуми кои веќе втор ден со патетични објави го прозиваа премиерот и ламентираа зошто тој не и’ честитал на Шеќеринска.
„Не е тајна дека во минатото сме имале многу концептуални разлики кога станува збор за справувањето со актуелните проблеми, политиките, идеолошки разлики – и тоа не треба да го криеме, бидејќи доаѓаме од различни политички семејства и опции. Но, како влада имавме предизвик за одлуката кого и како да го поддржиме за заменик генерален секретар на НАТО, бидејќи имаше кандидати од неколку земји. Ние немавме никаква дилема тука, бидејќи честопати повикуваме на единство и на дијалог со опозицијата,но ако тоа не го правиме на дело а повикуваме, тогаш тоа е лицемерие.
Затоа ние како влада не само што ја поддржавме кандидатурата на Радмила Шекеринска, туку и активно разговаравме со нашите сојузници. За нас националното единство и интересите се пред партиските интереси и да се има Македонка за заменик генерален секретар во најмоќната и најдобро организираната алијанса во историјата е навистина чест. И тука немавме дилема, и добро е што успешно се заврши“, рече Мицкоски.
Потоа тој соопшти дека уште вчера и се јавил по телефон на Шекеринска и разговарал, со порака дека нема дилема дека треба да соработуваат и заедно да направат се што можат да и помогнат на македонската армија, а со тоа и за безбедноста.
Во Македонија, никој не очекува опозициските медиуми да се извинат за дезинформациите и нападите, чин кој стана вообичаен и така „нормален“ за македонската јавност. За волја на вистината, Курир ги разгледа нивните текстови од вчера и денеска и увиде дека никој во своите објави преполни со дезинформации за „нечеститањето“, никаде не посочи дека се јавил во кабинетот на премиерот и го проверил лиферуваното…