Вчера во Струмица остварив средба со откупувачи и преработувачи на пиперка. На средбата договоривме откупот на пиперката да се одвива со одбитоци не поголеми од 3%, а откупната цена да не биде пониска од 25 денари за килограм пиперка откупена на рефус. Исто така, договорена е и динамиката на откупот, при што целата пиперка ќе биде откупена, објави Цветан Трипуновски, министер за земјоделство, шумарство и водостопанство.
-Денеска, заедно со директорот на Државниот инспекторат за земјоделство, Васе Анакиев, ги посетивме откупните центри во Кривогаштани и Могила, каде што извршивме увид во откупниот процес на пиперката, нотира Трипуновски.
Тој потенцира дека ова е резултат на нашата постојана грижа за заштита на интересите на земјоделците и обезбедување на фер услови при откупот на земјоделските производи.
На секој откупен пункт ќе има инспектор кој ќе го следи откупот и нема да дозволи манипулации во самиот процес. Земјоделството е приоритет и ние сме тука да ги штитиме правата на секој земјоделец, потенцира Трипуновски во објавата.
Вчера во Струмица остварив средба со откупувачи и преработувачи на пиперка.
На средбата договоривме откупот на пиперката…Posted by Цветан Трипуновски on Sunday, October 5, 2025