Соочени со фактот дека во Општина Ѓорче Петров се на ниво на историски најкатастрофална поддршка од Ѓорчевци, СДСМ со последниот, денешен потег, јавно и јасно презентира дека буквално кажано „дигнаа раце“ од општината.
Потврда за кажаното е смената на челното место за нив во Советот на општината и денешното назначувањето на новата координаторка Маја Стојкоска, која доаѓа од редовите на коалиционерот НСДП. Според информациите на терен, СДСМ го следи државниот тренд и е во слободен пад и во Ѓорче Петров. Познавачите на состојбите на терен, актот во Советот на општината го толкуваат како напуштање на партискиот брод кој очигледно, пред очите на жителите тоне се подлабоко и подлабоко. Уште поаларамантно за врхушката на СДСМ во општината е што ова се случува на една година пред локалните избори, факт кој јасно го прејудицира нивното сознание и очекувања од резултатите на нив.
Инаку, во Советот на општината, коалицијата на СДСМ има вкупно 7 советници, а досегашен координатор или прв човек во Советот беше Снежана Јовановска од партијата од Бихаќка.
Низ кулоарите се зборува дека во Ѓорче Петров се случува ретко виден и поразителен процес за социјалдемократите, односно феномен во кој помалиот коалиционер НСДП (партија која произлезе токму од СДСМ) сега го анексира до вчера поголемиот партнер.