Како што одминува кампањата реториката на СДСМ добива сѐ повеќе вознемирувачки тон. Стево Пендаровски, кандидатот за претседател на Македонија и претседателот на СДСМ Димитар Ковачевски сѐ повеќе употребуваат речник кој содржи директни навреди кон кандидатот за претседател од ВМРО-ДПМНЕ, професорката Гордана Силјановска Давкова, потег што оди подалеку од обичните политички несогласувања.
Таквото однесување не само што лошо се одразува на инволвираните личности од СДСМ, туку тоа служи и како остар потсетник за вкоренетата мизогинија во коридорите на моќта во оваа партија.
Со погрдни забелешки насочени кон Силјановска, Пендаровски и Ковачевски не само што ја понижуваат неа лично, туку тие покажауваат целосно непочитување на достоинството на сите жени во Македонија.
Овој инцидент не е изолиран случај, туку тоа е симбол на поголем модел на однесување во СДСМ.
Отворената мизогинија што ја прикажуваат овие луѓе ја нагласува нивната тоталитарна свест и ја нагласува итната потреба за попочитуван и поинклузивен политички дискурс во залезот од кампањата за претседателските избори.