Традиционалната и децениска петтоколонашка улога на СДС на македонската политичка сцена е класично дежа ви. Традиција која ја продолжува и актуелното раководство предводено од Филипче (читај Заев) со секојдневните ламентации за „потребата“ од неминовно прифаќање на уставните измени и внос на Бугарите во македонската „света книга“.
Тоа е нелогичен чин кој во таа форма која ја бара СДС е целосно е отвфрлен од сегашната влада предводена од премиерот Мицкоски, посочи во „За или против“ новинарот Цветин Чилиманов, кој во интервјуто со Љупчо Цветановски потсети на кодошките афинитети на елитистичката партија препознатлива по безрбетноста и сервилноста.
„СДСМ дури се трудат да фаќаат белешки за тоа каде и колку не било употребувано новото име и кога нашите политичари не го употребиле тоа име, небаре грчката амбасада тоа не го го нотифицира самата“, посочи Чилиманов, за кого екипата од Бихаќка постојано ја игра улогата на „најпопуларната девојка.“
„Тие секогаш ќе имаат подобри односи со странските претставници, за тоа што тие не испорачуваат барања, туку се’ што тие ќе им кажат СДС испорачуваат, немаат контра барања. Најпопуларна девојка се, бидејќи на никого не му рекле не, нели. Но тоа не е надвОрешната политика, кога претендираш да имаш национална држава на Балканот, мораш некогаш и да испорачаш сопствено барање некогаш, не можеш се’ да прифаќаш“, потенцира Чилиманов, пластично објаснувајќи ги „афинитетите“ на автошовинистичката партија чиј белег се автошовинизмот и самонегацијата.