Чадот што пред 18 часот почнал да излегува од внатрешноста на казиното спроти црква „Свети Јован Крстител“ е причина за евакуирање на жителите на првата зграда во овој комплекс во Нова Населба во Велес, пренесува „Дума.мк“.
Повеќе од деведесет минути сите семејства, со голем број на деца, се пред зградата велат жители од спротивната страна на улица „Благој Ѓорев“.
Во казиното, кое се наоѓа во приземјето на зградата интервенирале пожарникари кои го гаснеле пожарот додека возило на ТППЕ Велес се уште е на лице место како и возила со екипи на Итна медицинска помош.
Официјални информации за причините на пожарот и штетата како и за вознемирувањето на граѓаните кои живеат во зградите се очекува да даде Полициската станица на Сектор за внатрешни работи Велес.