Возачот на Дукати, Франческо Пеко Бањаја, е победник на трката за Големата награда на Шпанија во Мото ГП шампионатот, откако извозе најдобро време од 40:58:053 минути, оставајќи ги зад себе Марк Маркез и Марко Бецеки од ВР46.
Маркез заостана 0,372 секунди зад победникот, додека Бецеки доцнеше скоро четири секунди зад Бањаја, но си обезбеди место на подиумот. На четвртото место заврши Алекс Маркез, а потоа следуваа Енеа Бастианини и Бред Биндер.
Со оваа победа Пеко Бањаја е втор во генералниот пласман со 75 бода, седумнаесет помалку од лидерот Хорхе Мартин и пет повеќе од Енеа Бастианини.