Фудбалерот на Баерн Минхен, Хари Кејн е подготвен за претстојното дерби против Борусија Дортмунд, изјави денеска тренерот на актуелниот германски шампион Томас Тухел.
„Се е во ред, тој ќе игра против Дортмунд“, најави Тухел на прес-конференција.
На 16 март, Кејн го повреди скочниот зглоб во победата на Баерн против Дармштад (5:2), кога го постигна својот 31-ви гол во сезоната.
Баерн в сабота ѝ гостува на Борусија Дортмунд и мора да победи за да ги одржи во живот шансите за одбрана на титулата. Баерн е втор со 60 бодови, 10 помалку од водечкиот Баер Леверкузен на осум кола пред крајот на првенството.
Дортмунд е четврти на табелата со 50 бодови.