Тренерот на Манчестер сити, Пеп Гвардиола, уште еднаш го пофали Ерлинг Халанд кој пред два дена постави рекорд. Норвешкиот фудбалер најбрзо постигна 40 гола во Лигата на шампионите.
– Повторно? Дали треба да го направам ова повторно? Веќе милиони пати кажав дека сум навистина импресиониран од Халанд. Уште еден рекорд. Секоја чест. Тој е фантастичен играч. Ние сме многу, многу среќни. Го сакаме не само поради головите што ги постигнува, туку и поради многу други работи, изјави Гвардиола за „Goal“.
Дваесет и тригодишниот Халанд го постигна својот 40. гол во Лигата на шампионите на натпреварот против Лајпциг (3:2), кој се одигра на 28 ноември. Тој стана и најмладиот играч кој постигнал 40 гола на турнирот.
Вкупно, Норвежанецот оваа сезона на 20 натпревари за Манчестер сити постигна 19 гола и четири асистенции.