Фудбалската федерација на Германија објави дека по завршувањето на договорот со „Адидас“ во 2026 година нов партнер на националните селекции ќе биде „Најк“.
„Адидас“ стана вистински симбол на Германија бидејќи соработката траеше повеќе од седум децении, па затоа и информацијата дека Германците ќе носат опрема на „Најк“ е изненадување.
Германија потпиша договор со „Најк“ кој започнува во 2027 година и ќе трае до 2034 година.
„Со нетрпение чекаме да ја започнеме соработката со „Најк“. Партнерството ќе ни овозможи Фудбалската федерација да продолжи да ги извршува клучните задачи во наредната деценија со цел сеопфатен развој на фудбалот во Германија. Едно е јасно: до декември ќе направиме се што можеме за да постигнеме успех и со нашиот сегашен партнер „Адидас““, изјави Бернд Неуендорф, претседател на Германската фудбалска федерација.