Андов досега ја извршуваше функцијата асистент во стручниот штаб на Изов, а на селекторската должност ќе дебитира на 5 април кога македонските фудбалерки гостуваат во Латвија во воведниот натпревар од квалификациите за пласман на Европското првенство чиј домаќин во 2025 година ќе биде Швајцарија.
Должноста селектор на македонските фудбалерки Изов ја извршуваше од мај 2016 година.
„ФФМ упатува благодарност до Кирил Изов за неговиот професионализам и посветеност во текот на извршувањето на селекторската функција. Во оваа прилика му посакуваме многу среќа во понатамошната кариера“, соопшти ФФМ.