Џеј Ло на 24 јули наполни 55 години, но неколку дена претходно уживаше во голема и многу необична роденденска прослава. Имено, претходната сабота таа организираше тематска прослава во њујоршкиот тренди ресорт Хемптон, а целата забава беше организирана во стилот на серијата Бриџертон.
Џенифер Лопез бараше од своите гости да се придржуваат до кодексот на облекување и да се облечат во стилот на почетокот на 19 век.
Латино дивата решила да влезе во ликот на кралицата Шарлот, па седна на златниот трон, а на забавата пристигна со кочија, како што доликува на темата на оваа посебна забава.
View this post on Instagram
Сè изгледало исто како на снимањето на ултра популарната серија „Бриџертон“.
Секако, во тој стил беше облечена и самата латино дива, па блесна во неверојатно луксузен балски фустан достоен за кралица. Креацијата беше во сина боја со корсетиран горен дел и помпезни украси кои го красат долниот дел од фустанот, а неверојатниот златен вез дополнително даде печат на креацијата.
Џенифер го комплетираше изданието со гламурозни ракавици од провиден бел тул, и златни сандали со висока потпетица и платформа. Нејзината фризура беше шлаг на тортата – таа се одлучи за комплицирана, елегантна пунџа која одлично го отсликува дадениот период, а на сето тоа додаде златна, стилизирана круна.