По смртта на британскиот пејач Лијам Пејн, аргентинските власти континуирано истражуваат и откриваат нови детали поврзани со случајот. Пејачот бил заклучен во хотелска соба пред да падне од третиот кат на 16 октомври. Персоналот на хотелот го заклучил, иако се заканил дека ќе скокне од балконот.
Документите објавени од TMZ откриваат дека властите го обвинуваат Роџер Норес, негов близок пријател, за напуштањето. Норес бил свесен за проблемите на Лијам, отпатувал со него во Аргентина, но тие останале во посебни хотели.
Според обвинителите, пејачот нарачал четири шишиња виски во собата вечерта пред неговата трагична смрт, во 22 часот. Следното утро во 6:36 нарачал уште пет шишиња. За време на појадокот продолжил да пие, а друштво му правел и Роџер, кому во 9:32 му испратил порака да му земе „шест грама“.
По појадокот, Лијам се вратил во собата, која според собарката била ‘уништена’. Во 11:30 часот во собата му се придружиле две проститутки. Велат дека барал кокаин и дека неколку пати удрил по телевизорот кога му побарале пари. Во 14 часот, Лијам побарал од вработен во хотелот да земе уште „седум грама“.
Еден час подоцна дошол Роџер и им платил на проститутките. Тој повторно заминал во 16:04 часот, а вработените додале дека пејачот бил видно под дејство на дрога и алкохол четири минути претходно. Во 16:25 часот, тој му испрати порака на Лијам прашувајќи го како е, но никогаш не добил одговор.
Тој тврди дека неговиот пријател не бил под никакво дејство додека биле заедно во хотелот. Блиските пријатели на Роџер тврдат дека тој неколку пати се обидел да дојде до Лијам.
Документот го подготвија државните обвинители, но судијата одлучи дека случајот со наводното напуштање мора да го води локален обвинител. Државните обвинители поднеле жалба, која била одбиена.
Обвинителот Андре Мадреа додаде дека уште неколку лица може да бидат обвинети во врска со смртта на Лијам.