Познатиот поп пејач од Македонија Шпат Касапи, почина денеска рано наутро по срцев удар.
Шпат Касапи беше едно од најпознатите и најомилените имиња на албанската музичка сцена. Роден е на 1 мај 1985 година во Тетово, во семејство со силна музичка традиција.
Неговата кариера започна на почетокот на 2000-тите, кога многу брзо стана идол на младите со својот модерен стил, лесни мелодии и енергични настапи.
Касапи ја изгради својата популарност преку косовскиот и албанскиот музички пазар, оставајќи зад себе бројни хитови како „Axhamiu“ „A më do?“, „Valle Kosovare“, „Dashni pa limit“, „Aroma e saj“ и многу други.
Касапи зад себе остави траг на музичката албанска сцена, а со неговата песна израснаа повеќе генерации. Неговите хитови ќе се се слушаат и во иднина и ќе останат како еден вид на серенади на музичката сцена.
Редакцијата на Курир изразува искрено сочуство до семејството и пријателите.